Uko wasaba icyemezo cy'uko Umugororwa yitabye Imana ari mu igororero

Iyi serivisi iha abasaba uburenganzira bwo gusaba icyemezo cyemeza ko umuntu yapfuye mu gihe yari afungiwe mu igororero. Icyo cyemezo gitangwa kiyongera ku cyemezo cy’uko umuntu yapfuye (death certificate) kandi kigakoreshwa nk’ikimenyetso cyemewe cy’uko nyakwigendera yari umugororwa igihe yitabaga Imana, kigakoreshwa mu by’amategeko, mu buyobozi cyangwa mu bijyanye n’ubwishingizi.

Iyi serivisi itangwa n’Urwego rw’igihugu rushinzwe Igorora

• Intambwe zo gusaba iyi serivisi
  
  

Intambwe ya 1: Jya ku rubuga rwa IremboGov kuri new.irembo.gov.rw maze winjire muri konti yawe. Niba utayifite, kanda hano umenye uko wafungura 

Intambwe ya 2: Munsi ya Urwego rw’igihugu rushinzwe amagororero, hitamo serivisi yo “kwemeza ko umugororwa Yitabye Imana ari mu Igororero”

Step 3: Kanda“saba” kugira ngo utangire ubusabe.

Intambwe ya 4: Uzuza amakuru y’umugororwa

Intambwe ya 5: Uzuza amakuru y’uhagarariye 

Intambwe ya 6: Ohereza inyandiko zisabwa mu buryo bwemewe hanyuma ukande kuri “Komeza.”

Intambwe ya 7: Genzura  neza amakuru watanze; shyiramo nomero ya telefoni na/ cyangwa aderesi ya imeri, shyira akamenyetso mu gasanduku k’iyemeza, hanyuma ukande kuri “Kora ubusabe.”

Intambwe ya 8: Uzahabwa nomero y’ubusabe (C2...) izagufasha gukurikirana aho ubusabe bwawe bugeze.”