Gutanga Ibaruwa isaba imiryango itegamiye kuri leta na MINEDUC

Uri umuryango mpuzamahanga utegamiye kuri Leta ukorera mu Rwanda ukurikiranwa na Minisiteri y’Uburezi (MINEDUC), ukaba ukeneye ibaruwa ishyigikira ariko ukaba utazi aho watangirira n’uko wabigenza?

Dore ibyo ukeneye kumenya byose ku gusaba ibaruwa ishyigikira ku muryango utari uwa Leta itangwa na MINEDUC.

1. Ibaruwa ishyigikira ku muryango utegamiye kuri Leta itangwa na MINEDUC ni iki?

Ni ibaruwa igenewe by’umwihariko imiryango mpuzamahanga itegamiye kuri Leta ikorera mu Rwanda ikurikiranwa na Minisiteri y’Uburezi (MINEDUC).

2. Ni bande bemerewe gukoresha iyi serivisi?

• Imiryango mpuzamahanga itegamiye kuri Leta ikorera mu Rwanda ikurikiranwa na Minisiteri y’Uburezi (MINEDUC).

3. Ibyo ugomba kumenya no kuba ufite mbere yo gutangira gusaba

Dore ibyo ukeneye:

• Usaba agomba kuba afite icyangombwa kimuranga (indangamuntu ku Banyarwanda, pasiporo ku banyamahanga, cyangwa indangamuntu y’impunzi ku mpunzi).

• Nomero ya telefoni igendanwa cyangwa aderesi ya imeri yemewe (bitari itegeko) kugira ngo ubashe kwakira amakuru agezweho no gukurikirana ubusabe bwawe.

• Inyandiko zitandukanye zikurikira, harimo izisabwa bitewe n’imiterere y’ubusabe n’izishobora kongerwa ku bushake.

Inyandiko zisabwa bitewe n’imiterere y’ubusabe (7)

• Gahunda y’ibikorwa (Action Plan)

• Raporo y’umwaka

• Ibaruwa y’ingwate

• Inyandiko yo kohereza ikinyabiziga kiva mu mahanga

• Ibaruwa irimo amakuru arambuye ku kinyabiziga (yo kuvugurura nomero iranga  ikinyabiziga)

• Itangwa ry’Amasezerano y’Ubwumvikane (MOU) ku miryango mpuzamahanga itegamiye kuri Leta

• Ububasha bwo guhagararira undi (Power of Attorney)

Inyandiko zishobora kongerwaho ku bushake

• Inyandiko ishyigikira ubusabe

Dore intambwe ku yindi wakurikiza kugira ngo usabe mu buryo bworoshye ibaruwa ishyigikira ku muryango utegamiye kuri Leta itangwa na MINEDUC.

❯

Intambwe ya 1: Sura urubuga rwa IremboGov kuri new.irembo.gov.rw maze winjire muri konti yawe. Niba utayifite, kanda hano kugira ngo umenye uko wayifungura.

❮  ❯

Intambwe ya 2: Mu cyiciro cy'Uburezi, hitamo serivisi ya “Gutanga Ibaruwa isaba imiryango itegamiye kuri leta na MINEDUC”.

❮  ❯

Intambwe ya 3: Kanda kuri “Saba” kugira ngo utangire gusaba serivisi.

❮  ❯

Intambwe ya 4: Uzuza amakuru y’usaba serivisi, uhitemo ubwenegihugu bwe, amakuru ye y’aho abarizwa n’ayo kumuvugisha, ndetse n’umwanya ahagarariyeho abandi niba ahari.

❮  ❯

Intambwe ya 5: Uzuza amakuru aranga umuryango utegamiye kuri Leta (NGO), nk’izina ryawo, urwego ukoreramo, amakuru y’abo guhamagara n’aho uherereye.

❮  ❯

Intambwe ya 6: Uzuza amakuru arambuye yerekeye Amasezerano y’Ubwumvikane 

❮  ❯

Intambwe ya 7: Ongeraho inyandiko isabwa, hanyuma ukande kuri Ibikurikira.

❮ 

Intambwe ya 8: Genzura ko amakuru yatanzwe ari ukuri; andika nomero ya telefoni na/cyangwa aderesi ya imeri, shyira akamenyetso mu gasanduku ko kwemeza, hanyuma ukande kuri “gufuugura dosiye”.

Step 1 Step 2 Step 3 Step 4 Step 5 Step 6 Step 7 Step 8

4. Ni iki wakwitega nyuma yo gutanga ubusabe bwo gusaba ibaruwa ishyigikira ku muryango utegamiye kuri Leta itangwa na MINEDUC?

• Nyuma yo gutanga ubusabe, uzahabwa nomero y’ubusabe (B2…..) uzifashisha mu gukurikirana uko ubusabe bwawe buhagaze.

• Ubusabe bwawe nibwakirwa kandi bukemezwa na Minisiteri y’Uburezi (MINEDUC), ushobora kumanura ibaruwa ku IremboGov ukurikije izi ntambwe:

❯

Intambwe ya 1: Sura urubuga rwa Irembo kuri www.new.irembo.gov.rw, winjire muri konti yawe, hanyuma ukande ku kimenyetso cy’umwirondoro kirimo amazina yawe. Hazafunguka idirishya rito, urimo uhitemo “Amakuru ya dosiye".

❮  ❯

Intambwe ya 2: Ubusabe bwawe uzabusanga ku rutonde rw’ubusabe wasabye mbere.
- A. Niba ushaka gukuramo inyemezabwishyu, kanda kuri “Amakuru ya dosiye”

❮  ❯

B. Hanyuma ukuremo inyemezabwishyu.

❮ 

Intambwe ya 3: Kugira ngo ukuremo icyemezo cyawe, jya kuri “Dosiye zanjye”, ushake icyemezo ushaka gukuramo, hanyuma ukande kuri “Kuramo”.

Step 1 Step 2A Step 2B Step 3

• Niba usaba yarahisemo no kwakira ubutumwa kuri imeri, ibaruwa izoherezwa kuri iyo aderesi.

Witeguye gusaba?

Kanda hano  maze uhite utanga ubusabe bwawe.